Ukrayina Tış işler naziriniñ matbuat kâtibi Ğeorğiy Tıhıy iyünniñ 18-nde Rusiyeniñ Ukrayinada ğarbiy silânıñ yoq etilüvinen bağlı beyanatını izaatladı.
«Rusiye memurları er kün yañı saçma talaplarını ayta», – dep yazdı o, X içtimaiy ağında.
Tıhıy Rusiye Tış işler nazirliginiñ vekili yapqan beyanatınıñ bir parçasını derc etip, «bütünley saçmalıq» dep adlandırdı:
«Moskva Amerika Birleşken Devletleriniñ cenkni toqtatuv ğayretlerine emiyet bermegenini köstere».
Bu künleri Rusiye Tış işler naziriniñ muavini Aleksandr Gruşko «İzvestiya» Rusiye neşirine izaat berip, Rusiye Ukrayinadan ğarbiy silânıñ «artqaçlarını» yoq etmege talap etecek, dep bildirdi.
Ukrayina ve Rusiye vekilleri iyünniñ 2-nde İstanbulda körüştiler. Ukrayina tarafı ateşkes ve Trumpnıñ da iştirakinen yüksek seviyeli körüşüvni teklif etti. Moskva razı olmadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
